ឯកឧត្តម ណុប ចាន់ណារិន្ទ រដ្ឋលេខាធិការក្រសួងអធិការកិច្ច បានអញ្ជើញចុះជួបសំណេះសំណាល ក៏ដូចជាស្តាប់នូវរបាយការណ៍វឌ្ឍនភាពការងារ និងរបៀបរបបការងារ ដោយមានការចូលរួមពីថ្នាក់ដឹកនាំ នាយកដ្ឋានអធិការកិច្ចលើវិស័យរដ្ឋបាល ថ្នាក់ដឹកនាំ និងមន្រ្តីរាជការនៃមន្ទីរអធិការកិច្ចខេត្តកំពង់ស្ពឺ នៅមន្ទីរអធិការកិច្ចខេត្តកំពង់ស្ពឺ។
ខេត្តកំពង់ស្ពឺ ថ្ងៃទី២៨ ខែកក្កដា ឆ្នាំ២០២៥ – ឯកឧត្តម ណុប ចាន់ណារិន្ទ រដ្ឋលេខាធិការក្រសួងអធិការកិច្ច បានអញ្ជើញចុះជួបសំណេះសំណាល ក៏ដូចជាស្តាប់នូវរបាយការណ៍វឌ្ឍនភាពការងារ និងរបៀបរបបការងារ ដោយមានការចូលរួមពីថ្នាក់ដឹកនាំ នាយកដ្ឋានអធិការកិច្ចលើវិស័យរដ្ឋបាល ថ្នាក់ដឹកនាំ និងមន្រ្តីរាជការនៃមន្ទីរអធិការកិច្ចខេត្តកំពង់ស្ពឺ នៅមន្ទីរអធិការកិច្ចខេត្តកំពង់ស្ពឺ។
ក្នុងឱកាសជួបសំណេះសំណាលនេះ ឯកឧត្តមរដ្ឋលេខាធិការ បានពាំនាំនូវប្រសាសន៍ផ្តាំផ្ញើសាកសួរសុខទុក្ខពីឯកឧត្តមរដ្ឋមន្ត្រី ជូនចំពោះថ្នាក់ដឹកនាំ និងមន្ត្រីរាជការនៃមន្ទីរអធិការកិច្ច ប្រកបដោយក្តីនឹករលឹក និងបានជម្រាបជូនអំពីវឌ្ឍនភាពថ្មីៗក្រោមការដឹកនាំរបស់ឯកឧត្តមរដ្ឋមន្ត្រី និងថ្នាក់ដឹកនាំ នៃក្រសួងអធិការកិច្ច ក្នុងការរៀបចំផ្ទះនៃគ្រួសារអធិការកិច្ចឱ្យកាន់តែល្អ និងមានសង្គតិភាព ជាពិសេសការរួមគ្នាអនុវត្តឱ្យបានជោគជ័យ នូវយុទ្ធសាស្ត្រ «ព៤ជ៤» ដែលជាការផ្តួចផ្តើមដាក់ចេញដោយឯកឧត្តមរដ្ឋមន្ត្រី ហើយសន្និបាតប្រចាំឆ្នាំរបស់ក្រសួងក៏បានប្រកាសដាក់ឱ្យអនុវត្តរួចហើយកាលពីដើមខែឧសភាកន្លងទៅ។
