កិច្ចប្រជុំដោះស្រាយពាក្យស្នើសុំអន្តរាគមន៍របស់ឈ្មោះ ហង់ សុគន្ធ តំណាងឱ្យឈ្មោះ សុខ មុន្នី និងឈ្មោះ ប៉េង ចន្ធី ពាក់ព័ន្ធនឹងការទិញផ្តាច់ស្ថានីយ៍បូមទឹកឯកជន ចំនួន ១៩ ស្ថានីយ៍ នៅទូទាំងខេត្តកំពង់ធំ ក្រោមអធិបតីភាព ឯកឧត្តមរដ្ឋមន្រ្តី ហួត ហាក់
រសៀលថ្ងៃចន្ទ ២រោច ខែបុស្ស ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី៨ ខែមករា ឆ្នាំ២០២៤ ឯកឧត្តម ហួត ហាក់ រដ្ឋមន្រ្តីក្រសួងអធិការកិច្ច បានអញ្ជើញជាអធិបតីក្នុងកិច្ចប្រជុំដោះស្រាយពាក្យស្នើសុំអន្តរាគមន៍របស់ឈ្មោះ ហង់ សុគន្ធ តំណាងឱ្យឈ្មោះ សុខ មុន្នី និងឈ្មោះ ប៉េង ចន្ធី ពាក់ព័ន្ធនឹងការទិញផ្តាច់ស្ថានីយ៍បូមទឹកឯកជន ចំនួន ១៩ ស្ថានីយ៍ នៅទូទាំងខេត្តកំពង់ធំ នៅសាលប្រជុំ ៥០១ ទីស្តីការក្រសួងអធិការកិច្ច។
សូមបញ្ជាក់ថា ក្រោយទទួលបានពាក្យស្នើសុំអន្តរាគមន៍របស់ឈ្មោះ ហង់ សុគន្ធ តំណាងឱ្យឈ្មោះ សុខ មុន្នី និងឈ្មោះ ប៉េង ចន្ធី ក្រសួងអធិការកិច្ចបានមានចំណាត់ការជាបន្ទាន់ទៅលើករណីនេះ ដោយបានបង្កើតគណៈប្រតិភូធ្វើការចុះអង្គេតស្រាវជ្រាវ ចំពោះភាពមិនប្រក្រតីអំពីការគ្រប់គ្រងស្ថានីយ៍បូមទឹកព្រះស្នែង និងព្រះគន្លង និងបញ្ចុះគ្រឿងចក្រដើម្បីរៀបចំក្បាលប្រឡាយ ស្តារប្រឡាយទឹកទាំងពីរនេះ ដែលស្ថិតនៅភូមិខ្សាច់ជីរស់ ឃុំកំពង់គោ ស្រុកកំពង់ស្វាយ ខេត្តកំពង់ធំ។
![](https://inspection.gov.kh/wp-content/uploads/2024/01/photo_2024-01-09_16-01-51-1024x682.jpg)
![](https://inspection.gov.kh/wp-content/uploads/2024/01/photo_2024-01-09_16-01-59-1024x682.jpg)
![](https://inspection.gov.kh/wp-content/uploads/2024/01/photo_2024-01-09_16-02-12-1024x682.jpg)
![](https://inspection.gov.kh/wp-content/uploads/2024/01/photo_2024-01-09_16-02-14-1024x682.jpg)
![](https://inspection.gov.kh/wp-content/uploads/2024/01/photo_2024-01-09_16-02-15-1024x682.jpg)