កិច្ចប្រជុំចង្អៀតស្តីពីការពិនិត្យផែនការថវិកាឆ្នាំ២០២៥ ក្រោមអធិបតីភាព ឯកឧត្តមរដ្ឋមន្ត្រី ហួត ហាក់
ព្រឹកថ្ងៃពុធ ៤រោច ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៤ ខែកក្កដា ឆ្នាំ២០២៤ ឯកឧត្តម ហួត ហាក់ រដ្ឋមន្ត្រីក្រសួងអធិការកិច្ច បានអញ្ជើញដឹកនាំកិច្ចប្រជុំចង្អៀតស្តីពី ការពិនិត្យផែនការថវិកាឆ្នាំ២០២៥ ដោយមានការអញ្ជើញចូលរួមពី ឯកឧត្តម លោកជំទាវ ជារដ្ឋលេខាធិការ អនុរដ្ឋលេខាធិការ ឯកឧត្តមអគ្គនាយក ប្រធាននាយកដ្ឋាន នាយកវិទ្យាស្ថាន ប្រធានអង្គភាពលទ្ធកម្ម ព្រមទាំងមន្ត្រីជំនាញសរុបចំនួន ១២រូប នៅទីស្តីការក្រសួងអធិការកិច្ច។
