ឯកឧត្តម ប្រាក់ ឧត្ដមសម្បត្តិ អនុរដ្ឋលេខាធិការក្រសួងអធិការកិច្ច បានអញ្ជើញដឹកនាំគណៈប្រតិភូប្រជុំបើកការចុះតាមដានការអនុវត្តបទបញ្ជារបស់សម្តេចមហាបវរធិបតីនាយករដ្ឋមន្រ្តី នៅខេត្តព្រះសីហនុ

ព្រះសីហនុ ថ្ងៃទី២៨ ខែវិច្ឆិកា ឆ្នាំ២០២៤ – ឯកឧត្តម ប្រាក់ ឧត្ដមសម្បត្តិ អនុរដ្ឋលេខាធិការក្រសួងអធិការកិច្ច បានអញ្ជើញដឹកនាំគណៈប្រតិភូប្រជុំបើកការចុះតាមដានការអនុវត្តបទបញ្ជារបស់សម្តេចមហាបវរធិបតីនាយករដ្ឋមន្រ្តី នាថ្ងៃទី១៤ ខែកុម្ភៈ ឆ្នាំ២០២៤ “បញ្ជាឱ្យអភិបាលរាជធានី-ខេត្តទាំងអស់ត្រួតពិនិត្យជាបន្ទាន់លើទីតាំងល្បែងផ្សងសំណាង ក្នុងករណីមានបន្តបើកថ្មីទៀត សូមចាត់វិធានការបិទជាបន្ទាន់ និងត្រូវរាយការណ៍ជូនសម្តេច” ដោយមានការចូលរួមពី លោក សាមុត សុទ្ធារិទ្ធ អភិបាលរងនៃគណអភិបាលខេត្តព្រះសីហនុ ជាតំណាងឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ អភិបាលក្រុង-ស្រុក និងគណៈបញ្ជាការឯកភាពខេត្ត នៅខេត្តព្រះសីហនុ។