លោកជំទាវរដ្ឋលេខាធិការ វី ស្រីពៅ អញ្ជើញដឹកនាំគណៈប្រតិភូក្រសួងអធិការកិច្ច ចុះផ្សព្វផ្សាយច្បាប់នៅខេត្តឧត្តរមានជ័យ

លោកជំទាវរដ្ឋលេខាធិការ វី ស្រីពៅ អញ្ជើញដឹកនាំគណៈប្រតិភូក្រសួងអធិការកិច្ច ចុះផ្សព្វផ្សាយច្បាប់នៅខេត្តឧត្តរមានជ័យ

រាជធានីភ្នំពេញ ថ្ងៃទី១៤ ខែមីនា ឆ្នាំ២០២៥ – លោកជំទាវ វី ស្រីពៅ រដ្ឋលេខាធិការក្រសួងអធិការកិច្ច បានអញ្ជើញដឹកនាំគណៈប្រតិភូក្រសួងអធិការកិច្ច ចុះផ្សព្វផ្សាយច្បាប់ ស្តីពី ចរាចរណ៍ផ្លូវគោក ជូនដល់កងកម្លាំងប្រដាប់អាវុធ មន្ត្រីរាជការ ប្រជាពលរដ្ឋ យុវជន សិស្សានុសិស្សសរុប ៣១៥ នាក់ (ស្ដ្រី ១២២នាក់) ស្ថិតនៅសាលប្រជុំសាលាខេត្តឧត្តរមានជ័យ ដោយរួមសហការជាមួយអាជ្ញាធរខេត្តឧត្ដរមានជ័យ ព្រមទាំងមន្ទីរសាធារណការ និងដឹកជញ្ជូនខេត្តឧត្ដរមានជ័យ។ ពិធីផ្សព្វផ្សាយច្បាប់នេះមានការយកចិត្តទុកដាក់ស្តាប់ និងចូលរួមយ៉ាងផុសផុលរបស់សមាជិក សមាជិកា ក្នុងនោះមានសំណួរសរុបដល់ទៅ ២៣សំណួរ បន្ទាប់មកមានការឆ្លើយ និងបំភ្លឺជូនយ៉ាងក្បោះក្បាយគ្រប់សំណួរពាក់ព័ន្ធនឹងទិដ្ឋភាពច្បាប់ បទពិសោធជាក់ស្តែងដោយមន្រ្តីជំនាញមកពី មន្ទីរសាធារណការ និងដឹកជញ្ជូនខេត្ត និងតំណាងស្នងការនគរបាលខេត្តឧត្ដរមានជ័យ។