ឯកឧត្តមរដ្ឋមន្រ្តី ហួត ហាក់ ទទួលជួបពិភាក្សាការងារជាមួយ ឯកឧត្តម Dominic Williams ឯកអគ្គរាជទូតនៃចក្រភពអង់គ្លេសប្រចាំព្រះរាជាណាចក្រកម្ពុជា
ឯកឧត្តម ហួត ហាក់ រដ្ឋមន្រ្តីក្រសួងអធិការកិច្ច បានទទួលជួបពិភាក្សាការងារជាមួយ ឯកឧត្តម Dominic Williams ឯកអគ្គរាជទូតនៃចក្រភពអង់គ្លេសប្រចាំព្រះរាជាណាចក្រកម្ពុជា និងសហការី នៅទីស្តីការក្រសួងអធិការកិច្ច នាព្រឹកថ្ងៃអង្គារ ៩កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២១ ខែវិច្ឆិកា ឆ្នាំ២០២៣។
ក្នុងឱកាសនោះ ឯកឧត្តមរដ្ឋមន្រ្តី បានសម្តែងនូវក្ដីសោមនស្សរីករាយក្នុងការទទួលស្វាគមន៍ ឯកឧត្តមឯកអគ្គរាជទូត និងសហការី ដែលបានចំណាយពេលវេលាដ៏មមាញឹកអញ្ជើញមកជួបពិភាក្សាការងារ នៅទីស្ដីការក្រសួង។ ឯកឧត្តមរដ្ឋមន្រ្តី ក៏បានថ្លែងនូវការកោតសរសើរ និងវាយតម្លៃខ្ពស់ចំពោះរាល់កិច្ចសហប្រតិបត្តិការដ៏ល្អប្រសើរលើគ្រប់វិស័យ រវាងកម្ពុជា និងចក្រភពអង់គ្លេសនាពេលកន្លងមកផងដែរ រួមមានវិស័យពាណិជ្ជកម្មទ្វេភាគី ការវិនិយោគ វិស័យអប់រំ ទេសចរណ៍ និងសិទ្ធមនុស្សជាដើម។ ជាការឆ្លើយតប ឯកឧត្តមឯកអគ្គរាជទូត បានថ្លែងនូវការអបអរសាទរយ៉ាងកក់ក្តៅចំពោះការចូលកាន់តំណែងថ្មី និងបានថ្លែងអំណរគុណជូនចំពោះ ឯកឧត្តមរដ្ឋមន្រ្តី ដែលបានឆ្លៀតពេលវេលាដ៏មមាញឹកអនុញ្ញាតឱ្យឯកឧត្តមឯកអគ្គរាជទូត និងសហការី បានចូលជួបសម្តែងការគួរសមនាពេលនេះ៕
![](https://inspection.gov.kh//wp-content/uploads/2023/12/404543477_748374650666220_744617167453711441_n-1024x701.jpg)
![](https://inspection.gov.kh//wp-content/uploads/2023/12/404594480_748374727332879_8970414310175757708_n-653x1024.jpg)
![](https://inspection.gov.kh//wp-content/uploads/2023/12/404599835_748374570666228_5107840516555825609_n-683x1024.jpg)
![](https://inspection.gov.kh//wp-content/uploads/2023/12/404537115_748374390666246_3550301779247125303_n-1024x709.jpg)
![](https://inspection.gov.kh//wp-content/uploads/2023/12/404620021_748374477332904_6107611818301925853_n-1024x786.jpg)
![](https://inspection.gov.kh//wp-content/uploads/2023/12/404537716_748374343999584_5818623219039461977_n-1024x683.jpg)
![](https://inspection.gov.kh//wp-content/uploads/2023/12/404529152_748374407332911_6055292977968273033_n-1024x682.jpg)
![](https://inspection.gov.kh//wp-content/uploads/2023/12/404599771_748374500666235_3268759862823748136_n-1024x612.jpg)