គណៈប្រតិភូអធិការកិច្ច បានចុះធ្វើអធិការកិច្ច នៅស្នងការដ្ឋាននគរបាលខេត្តកណ្ដាល
ឯកឧត្តម ណុប ចាន់ណារិន្ទ អ្នកនាំពាក្យ និងជារដ្ឋលេខាធិការ ក្រសួងអធិការកិច្ច មានប្រសាសន៍ថា៖ ការគ្រប់គ្រងវិស័យអធិការកិច្ច គឺការពង្រឹងអភិបាលកិច្ច ឱ្យមានប្រសិទ្ធភាព ដើម្បីជាឧត្តមប្រយោជន៍របស់សង្គមជាតិ ដែលយើងត្រូវបន្តអនុវត្តតាមទិសស្លោក «អធិការកិច្ចជាភ្នែក ជាត្រចៀករបស់ថ្នាក់លើ និងជាមិត្តដ៏ជិតស្និទ្ធរបស់ថ្នាក់ក្រោម»។
ការលើកឡើងនេះ បានធ្វើឡើងក្នុងគ្រាដែលឯកឧត្តម ដឹកនាំគណៈប្រតិភូចុះធ្វើអធិការកិច្ច នៅស្នងការដ្ឋាននគរបាល ខេត្តកណ្តាល កាលពីថ្ងៃចន្ទ ១០កេីត ខែមាឃ ឆ្នាំថោះ ព.ស.២៥៦៧ ត្រូវនឹងថ្ងៃទី១៩ ខែកុម្ភៈ ឆ្នាំ២០២៤។
