គណៈប្រតិភូក្រសួងអធិការកិច្ច បានជួបជាមួយតំណាងប្រជាពលរដ្ឋដែលប្ដឹងសុំទាមទារសិទ្ធិស្របច្បាប់លើដីទំហំ ៥០ហិកតា
នៅព្រឹកថ្ងៃអង្គារ ១១កើត ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២០ ខែកុម្ភៈ ឆ្នាំ២០២៤ ឯកឧត្តម ស៊ឹម ស៊ូយុង រដ្ឋលេខាធិការ បានដឹកនាំគណៈប្រតិភូក្រសួងអធិការកិច្ច ជួបជាមួយប្រជាពលរដ្ឋដែលជាម្ចាស់បណ្តឹង និងជាតំណាងឱ្យប្រជាពលរដ្ឋចំនួន ២០៥គ្រួសារ ដែលបានដាក់ពាក្យបណ្តឹងមកក្រសួងអធិការកិច្ច ស្នើសុំទាមទារសិទ្ធិស្របច្បាប់លើដីទំហំ ៥០ហិកតា ដែលមានទីតាំងស្ថិតនៅ ភូមិតិក្ខបញ្ញោ ភូមិសំរោងក្រោម ភូមិចែងម៉ែង សង្កាត់សំរោងក្រោម និងភូមិកាកាប២ សង្កាត់កាកាប២ ខណ្ឌពោធ៍សែនជ័យ រាជធានីភ្នំពេញ។
