គណៈប្រតិភូក្រសួងអធិការកិច្ច និងមន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ខេត្តត្បូងឃ្មុំ រួមសហការជាមួយអាជ្ញាធរខេត្តត្បូងឃ្មុំ បានរៀបចំធ្វើវេទិកាសាធារណៈ នៅឃុំជីរោទ៍ទី២ ស្រុកត្បូងឃ្មុំ ខេត្តត្បូងឃ្មុំ

ខេត្តត្បូងឃ្មុំ៖ ព្រឹកថ្ងៃអង្គារ ៧រោច​ ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី៣០ ខែមេសា ឆ្នាំ២០២៤​ គណៈប្រតិភូក្រសួងអធិការកិច្ច និងមន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ខេត្តត្បូងឃ្មុំ រួមសហការគ្នាយ៉ាងល្អជាមួយអាជ្ញាធរខេត្តត្បូងឃ្មុំ បានរៀបចំធ្វើវេទិកាសាធារណៈស្តីពីការផ្តល់សេវាសាធារណៈ ដើម្បីទទួលសំណូមពរពីប្រជាពលរដ្ឋនៅ​ ឃុំ​ជីរោទ៍ទី២ ស្រុក​ត្បូងឃ្មុំ ខេត្តត្បូងឃ្មុំ ក្រោមអធិបតីភាព លោកជំទាវ សេន សាណាស់ អនុរដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ហួត ហាក់ រដ្ឋមន្រ្តីក្រសួង​អធិការកិច្ច និង​ ឯកឧត្តម​ កេង ប៊ុនណា អភិ​បាលរងខេត្តត្បូងឃ្មុំ លោក​អភិ​បាលរងស្រុកត្បូងឃ្មុំ លោក លោកស្រី ប្រធាន អនុប្រធានមន្ទីរ មន្ត្រីជំនាញ អង្គភាពពាក់ព័ន្ធជុំវិញខេត្ត កងកំលាំងប្រដាប់អាវុធ លោកប្រធានក្រុមប្រឹក្សា សមាជិកក្រុមប្រឹក្សា មេឃុំ ប្រធាន អនុប្រធានភូមិ និងប្រជាពលរដ្ឋ សរុបចំនួន ២៥៩នាក់ (ស្ត្រី​ចំនួន ៦៤នាក់) ដោយទទួលបានសំណូមពរពីប្រជាពលរដ្ឋសរុបចំនួន ១៩ សំណូមពរ ក្នុងនោះមាន ៣ សំណូមពរ ឯកឧត្តមអភិបាលរងខេត្តទទួលយកដើម្បីដោះស្រាយបន្ត។