កិច្ចប្រជុំត្រួតពិនិត្យការងាររបស់នាយកដ្ឋានអធិការកិច្ចទី១ និងផ្សព្វផ្សាយការណែនាំរបស់ថ្នាក់ដឹកនាំក្រសួង ដឹកនាំដោយ ឯកឧត្តម ហេង ចាន់ឌី
ឯកឧត្តម ហេង ចាន់ឌី រដ្ឋលេខាធិការក្រសួងអធិការកិច្ច បានអញ្ជើញដឹកនំាកិច្ចប្រជុំត្រួតពិនិត្យការងាររបស់នាយកដ្ឋានអធិការកិច្ចទី១ និងផ្សព្វផ្សាយការណែនាំរបស់ថ្នាក់ដឹកនាំក្រសួងជូនដល់ថ្នាក់ដឹកនាំ និងមន្ត្រីរាជការនាយកដ្ឋានអធិការកិច្ចទី១ ដោយមានការអញ្ជើញចូលរួមពី ឯកឧត្តមប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានអធិការកិច្ច ឯកឧត្តមអគ្គនាយករង លោកប្រធាននាយកដ្ឋានអធិការកិច្ចទី១ លោក លោកស្រីជាថ្នាក់ដឹកនាំ ព្រមទាំងលោក លោកស្រី ជាមន្ដ្រីរាជការ នៃនាយកដ្ឋានអធិការកិច្ចទី១ នារសៀលថ្ងៃសុក្រ ៧កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១២ ខែកក្កដា ឆ្នាំ២០២៤។
